PARTISAUN LINUX MINT.

Aprende Konaba Partisaun Iha GNU/Linux

Partisaun hanesan maneira ida para hafahe espasu ida hard disk ho metodu logic no la'os hao metodu fiziku, hodi nune'e ita bele edita no manipula partisaun husi kapasidade hard disk ne'ebe iha nesidade.

Vantagem husi partisaun:

1. fasil para organiza dadus ou dokumentus,ezemplu bele hafahe partisaun ida ba sistema operasaun no partisaun ida ba sistema operasun no partisaun seluk para rai dadus/documentos.
2. halo seguru dadus ou dokumentus,ezemplu karik partisaun sistema falha, dadus ou dokumentos ne'ebe iha partisaun seluk nafatin seguru.
3. bele instala sistema operasaun liu husi ida.
4. Hasa'e atasaun tempu asesu ba hard disk ne'ebe lais liutan.

Tipu Partisaun Iha GNU/Linux
Bainhira atu kria partisaun iha hard disk, dahuluk presija hatene tiha lai tipu partisaun ne'ebe iha. Partisaun iha hard disk fahe ba tipu tolu, ne'e maka Primary, Extended, no Logical.
Tuir mai esplikasaun badak husi tipu hirak ne'e:
Primary
Tipu partisaun ne'e hanesan partisaun Primary iha hard disk, jeralmente bodik ba sistema operasaun.
Kada hard disk ida bele kria maksimu partisaun Primary 4 deit karik la iha partisaun Extended, ou
maksimu 3 partisaun Primary karik iha partisaun Extended.
Extended
Tipu partisaun ne'e hanesan mos parte husi partisaun Primary no maksimu bele kria ida deit iha hardisk laran, utilizadu para akomoda partisaun Logical. Hanesan esplikasaun konaba tipu partisaun primary ne'ebe limitadu ho kuantidade 4 deit, bainhira atu kria partisaun ne'ebe barak, bele utiliza partisaun Extended.

Logical
Partisaun ne'e bele kria karik iha ona partisaun Extended no utilizadu para rai dadus. La iha limitasaun kuantidade husi partisaun Logical, ne'e signifika iha hard disk ida bele kria partisaun Logical ho kuantidade depende husi nesesidade.
Oinsa Bele Hatene Tipu Partisaun Iha GNU/Linux?
Iha GNU/Linux Ita bele hatene partisaun Primary, Extended no Logical husi numeru ne'ebe iha hanesan ezemplu tuir mai:
Partisaun Primary
komesa husi numeru 1 to'o 4
Ezemplu:
sda1, sda2, sda3, no sda4.
Partisaun Extended
komesa husi numeru 1 to'o 4 depende husi kuantidade partisaun Primary ne'ebe iha.
Ezemplu:
Karik iha hard disk disponivel ona partisaun Primary 2, signifika partisaun Extended bele iha pozisaun sda3 ou sda4.
Partisaun Logical
komesa husi numeru 5 ba leten.
Ezemplu:
sda5, sda6, no seluktan.
Hanesan ezemplu husi ilustrasaun iha kraik ne'e, sei esplika oinsa identifika tipu partisaun iha hard disk husi sistema GNU/Linux.
Ezemplu Ilustrasaun Husi Tipu Partisaun Iha Hard disk (Linux)

Esplikasaun husi ezemplu ilustrasaun iha leten:
- sda1, sda2, sda3 utiliza tipu partisaun Primary
- Partisaun sda1 ba Swap
- Partisaun sda2 ba / (root)
- Partisaun sda3 ba /home
Kria Partisaun GNU/Linux Husi Hard Disk Ne'ebe Ezisti Ona Windows! Ezemplu iha leten kuandu kondisaun kapasidade hard disk alokadu tomak ba GNU/Linux, maibe oinsa karik atu kria partisaun husi hard disk ne'ebe ezisti ona sistema operasaun Windows?

Resposta husi pergunta refere maka presija kria parsialmente kapasidade hard disk ne'ebe ezisti ona para bele alokadu ba GNU/Linux. Jeralmente komputador ho sistema operasaun Windows konsisti partisaun rua ne'ebe maka drive C no D. Karik partisaun husi D disponivel kapasidade hard disk ho espasu bo'ot, diak liu resize partisaun refere bodik ba GNU/Linux. Tuir mai ezemplu ilustrasaun husi tabela partisaun Windows ne'ebe jeralmente disponivel iha komputador:

Depois resize partisaun D no kria fali partisaun foun para alokadu ba sistema operasaun GNU/Linux, tabela partisaun sei konvertidu sai hanesan ezemplu ilustrasaun iha kraik ne'e:

Esplikasaun husi ezemplu ilustrasaun iha leten:
- Partisaun sda1 ba C
- Partisaun sda2 ba Extended
- Partisaun sda5 ba D
- Partisaun sda6 ba Swap
- Partisaun sda7 ba / (root)
Karik hakarak aumenta partisaun /home, tabela partisaun sei sai hanesan tuir mai:

- Partisaun sda1 ba C
- Partisaun sda2 ba Extended
- Partisaun sda5 ba D
- Partisaun sda6 ba Swap
- Partisaun sda7 ba / (root)
- Partisaun sda8 ba /home
Artiklu "Aprende Konaba Partisaun Iha GNU/Linux" parte dahuluk to'o iha ne'e deit, no sei iha kontinuasaun ba parte daruak.