Introdusaun Komputador

Konnesementu Geral konaba Komputador

Liafuan Komputador mai husi lian latina katak "computare" ne'ebe ho signifika katak "atu sura ka konta".

1. komputer katak grupu ida husi instrumentu elektroniku ne'ebe kompostu husi instrusaun input, instrumentu ne'ebe halo pressesamentu ba input no instrumentu output ne'ebe mak bele fosai informasaun no servisu otomatikamente.

Klasifikasaun komputer tuir prosesamentu dadus sei fahe ba parte tolu (3) mak hanesan tuir mai ne'e: 

• Komputador analog katak komputador ne'ebe halo prosesamentu dadus analog ka kontinuasaun. 

• Komputer digital katak komputador ne'ebe halo prosesamentu ba dadus digital deit

• Komputador hibrid katak kombinasaun husi komputador analog ho komputador digital ne'ebe halo prosesamentu ba dadus kualitativu no kuantitativu. 

Klasifikasaun komputador tuir medida fisico sei fahe ba parte lima (5) mak hanesan tuir mai ne'e:

1. Super Komputer

1. Mainframe komputer 

1. Mini komputer 

1. Workstation  Komputer

1. Micro komputer

Prosesamentu ne'ebe uza komputador hanaran prosesamentu dadus elektroniku

dadus mak hanesan rekoila akontesementu ne'ebe mak foti husi realidade ida ne'ebe mak seidauk iha signifika ba ema ne'ebe atu simu no presisa prosesu tan.

Informasaun katak resultadu husi prosesamentu dadus ba formatu ida ne'ebe signifikativu liu.

Sirkulasaun prosesamentu ba dadus sei fahe ba parte lima(5)

1. Origination mak hanesan prosesu dahuluk ne'ebe sei halo rekoilamentu ba dadus no sei hatama dadus refere ba dokumentu baziku.

1. Input katak prosesu ka hatama dadus ba komputador liu husi input ka input device.

1. Ouput katak prosesu produsaun output husi resultadu prosesamentu dadus ho instrumentu output(output device).

1. Distribuition (distribusaun) katak prosesu halo distribuisaun resultadu husi output ba parte ne'ebe mak iha direitu atu hetan ka presisa informasaun.

1. Storage katak prosesu atu rai resultadu husi prosesamentu dadus.

Komponente sira ne'ebe eziste iha komputador mak hanesan tuir mai ne'e: 

CPU(Central Processing Unit)

CPU (Central Processing Unit) hanesan ulun ba komputador nebe ho nia fungsaun atu transforma dadus sai hanesan informasaun ba ema nebe uza informasaun.

ALU(Arithmetical Logic Unit)

ALU (Arithmetical Logic Unit) nia funsaun atu interpreta instrusaun logika sai hanesan informasaun.

CU(Control Unit)

CU (control unit) nia funsaun atu controla dados ka dokumentos ne’ebe lao hela iha komputador laran.

Processor

Iha komputador sempre iha hardware (processor), nia funsaun katak sai hanesan Kakutak ba'a pc/komputador, hodi monitorin ou kontrola data ne’ebe iha komputador, nomos iha mundu renkonhese katak Procesor komputador/laptop iha modelu rua (2) ? AMD & INTEL.

Memory chip / RAM / Random Access Memory

Memory sai hanesan liafuan konhecidus bain-bain ita sempre koalia no rona, maibe ita sedauk hatene funsaun memory, memory nia funsaun hodi rai data ne’ebe processor halo procesu ona iha komputador, ezemplu hanesan ita ketik office word, ne’e funsaun katak processor mak halo procesu maibe memory mak Save/rai data, e data ne’ebe ita hahu halo iha office word ita tenki save antes tamba wainhira komputador hetan failansu ruma, komputador restart, ita nia data sei la’a lakon tamba procesor aloka tia ona ba’a iha memory.

Video Card / video chipset / vga / gpu

Video card/ ita bele hanaran VGA, nia funsaun hodi kontrola grafis no video, Game no seluk-seluk. Funsaun seluk ita bele dehan dezain grafis Visual. wainhira ita hakarak uza software hanesan, Photoshop, Animasi 3DMAX no’o seluk-seluk, ba'a ita ne’ebe oin Game, ne’e tenki komprende didiak teoria ne’e, Tamba software hirak hau hateten ne’e persiza VGA tenki bo’ot mak ita foin bele uza nomos foin bele halimar Game, sei karik ita uza komputador otomatis software ne’ebe ita hanaran iha leten balun ita instal tama e balun instal la’a tama, maibe ne’e hare mos spack procesor/ kapasitas komputador, hakarak hateten deit ba’a belun sira ne’ebe mak la’a hadomi imi nia komputador/laptop diakliu labele halimar demais game tamba game bele fo’o efektivu ne’ebe ladiak ba’a VGA, ita osan barak halimar deit ba’a direitu imi nian, Iha tempu uluk ema hanaran motherboard maibe tempu agora video chipset/VGA.

Mother Board

Motherboard mak komponente komputador nian ne’ebe ita atu tau ka monta komponente sira seluk komputador nian hanesan Processor, Video Card, Sound Card, Hard Disk, RAM, Power Supply no seluk seluk tan. Motherboard ne’e nia funsaun atu halo ligasaun ba komponentes ida-idak hodi bele halo komunikasaun ba malu. Kada motherboard iha nia espesifikasaun rasik, espesifikasaun hanesan processor saida mak fo apoiu no kapasidade maksimal RAM hira ne’ebe hetan apoiu husi motherboard.

Video Card

Video card mak komponente Komputador nian ne’ebe ho nia funsaun atu fo sai resultadu output grafiku ka desenu nian neebe hatudu iha monitor. Molok atu hola video card, imi tenke buka hatene uluk, slot Video card modelo saida mak ita nia Motherboard ne’e iha, karik slot PCI, AGP, PCI-X, PCI Express no seluk tan.

Sound Card

Sound card mak komponente komputador nian ne’ebe monta hela iha motherboard. Sound Card ne’e ninia funsaun mak atu fo sai resultadu sound ka lian liu husi port input no output. Bain-bain ema hola motherboard ne’ebe foun, sound card ne’e monta nanis ona iha onboard. Ne’ebe ita la presija atu hola tan sound card eksterna.

Hard Disk

Hard disk mak komponente komputador, fatin ne’ebe rai dokumentus pemanente. Hard disk ho kapasidade bo’ot iha ita nia komputador maka ita bele rai dokumentus barak liutan. Molok ita sosa hard disk ita tenke buka hatene interface hard disk modelo saida mak ita nia motherboard iha, karik IDE, SCSI, SATA, ka seluktan.

Power Supply

kompara ho kareta ne’ebe la lao bainhira laiha mina, nune’e mos komputador ida la moris ka la funsiona bainhira laiha power supply ka PSU (Power Supply Unit). Power supply mak komponente ida husi komputador ne’ebe ho funsaun atu oferese forsa eletrisidade ba komponenete sira seluk hanesan motherboard, hard disk, optical disk drive, no sira seluktan.

Optical Disc Drive

Maske la ho optical disc drive komputador bele moris ka funsiona, maibe kuandu laiha komponente ida ne’e, komputador hanesan izolado husi mundo liur nian, izolado husi mundu liur signifika katak ita iha difikuldades baihnira iha tempo ruma ita hakarak kopia dokumentus, instala programa, hare filmajem VCD ka DVD, ne’ebe rai iha CD ka DVD.Optical Disc Drive bele hanesan CD-ROM, DVD-ROM, DVD-RW, Blue-Ray, ka seluktan. Molok sosa optical disk drive ida, ita tenke buka hatene uluk interface modelu saida mak ita nia motherboard iha, karik IDE, SATA, ka seluktan.

Monitor

Monitor mak komponente komputador ne’ebe ho nia funsaun atu hatudu figura ne’ebe fo sai (output) husi video card. Monitor komputador barak ne’ebe iha merkadoria agora dadaun ne’e mak monitor CRT (monitor tabung) no monitor LCD maibe agora dadaun ema barak prefere uza monitor LCD (liu-liu iha edifisiu sira) tamba monitor ida ne’e laos deit ho modelu ne’ebe modernu, maibe mos iha forsa seluk mak poupa espasu no poupa eletrisidade.

Keyboard

Keyboard mak komponente komputador ho nia funsaun hanesan instrumentu hodi hakerek buat ruma. Alem de keyboard standard, keyboard komputador agora ne’e iha modelu oin-oin, hanesan keyboard mini, keyboard fleksibel ne’ebe bele lulun, keyboard wireless ne’ebe bele uza bluetooth, no seluktan.

Mouse

Mouse mak komponente komputador ne’ebe ho nia funsaun atu muda kursor iha monitor no atu klik buat ruma hanesan butaun (tombol) iha aplikasaun programa ida. Mouse mos iha modelu oin-oin, iha mouse standard, mouse ba jogus (gaming), mouse wireless ne’ebe uza Bluetooth, no seluktan.

Origination mak procesu primeiro nebe mak sei halo rekoilamentu ba dados no sei hatama dados refere ba dokumentos basiku.

Input katak procesu hatama dados ba komputador liu husi instrumento input ka input device

Processing katak procesu procesamentu dados iha komputador laran ho insturmento procesu (processing device)

Output katak procesu produsaun output husi rezultado procesamentu dados ho instrumentu output (output device).

Dirtribuition (distribuisaun) katak procesu halo distribuisaun rezultado husi output ba parte nebe mak iha direito atu hetan ka precisa informasaun.

Storage katak procesu atu rai rezultado husi procesamento dados.